Fjárfestingarstefna sjóðsins fyrir árið 2022 gerir ráð fyrir aukningu erlendra eigna í öllum deildum, að undanskyldu innlánasafni séreignadeildar. Samhliða lægra vaxtastigi innanlands og erlendis er ljóst að hlutfall ávöxtunareigna (hlutabréfa) hefur aukist og stendur í um 50%. Aukið vægi ávöxtunareigna stuðlar að því að auka líkur á að ná fram ávöxtunarmarkmiði sjóðsins til lengri tíma.

Auk þess er gert ráð fyrir áframhaldandi aukningu hlutfalls erlendra eigna sem nemur 2% heildareigna á árinu 2022 þannig að hlutfallið nálgist 40%. Aukningin er í samræmi við langtímamarkmið stjórnar um að hækka hlutfall erlendra eigna varfærnum skrefum næstu árin í átt að 45% langtímamarkmiði stjórnar.