Fjárfestingarstefna sjóðsins fyrir árið 2023 gerir ráð fyrir aukningu erlendra eigna í öllum deildum, að undanskyldu innlánasafni séreignardeildar. Hlutfall ávöxtunareigna (hlutabréfa) hefur verið aukið í fjárfestingarstefnu í 53% á móti 47% vægi tryggingaeigna (skuldabréfa). Hærra vægi ávöxtunareigna stuðlar að því að auka líkur á að ná fram ávöxtunarmarkmiði sjóðsins til lengri tíma. 

Auk þess er gert ráð fyrir áframhaldandi aukningu hlutfalls erlendra eigna sem nemur 2% heildareigna á árinu 2023 þannig að hlutfallið nálgist 40%. Aukning hlutfalls erlendra eigna er í samræmi við langtímamarkmið stjórnar um að hækka hlutfallið í 45% í varfærnum skrefum næstu árin.