Í árslok 2025 voru verðbréfaeignir varfærna séreignarsafnsins, metnar á markaðsvirði, 2.790 m.kr. samanborið við 2.652 m.kr. árið áður. Helstu breytingar á eignasamsetningu milli ára eru þær að erlend hlutabréf jukust um hátt í 2% á kostnað innlendra hlutabréfa.

Verðbréfaeignir áræðna séreignasafnsins, metnar á markaðsvirði, námu um 7.210 m.kr. samanborið við 6.648 m.kr. árið áður. 

Helstu breytingar á eignasamsetningu eru þær að aukið var við önnur markaðsskuldabréf og erlend hlutabréf á kostnað innlendra hlutabréfa.

Þriðja safnið er innlána séreignarsafnið sem er  minnsta safnið en heildareign þess nam um 365 m.kr.  í árslok.

Hreinar fjárfestingartekjur séreignadeildar voru jákvæðar um 597 m.kr. á árinu samanborið 1.201 m.kr. á árinu 2024. Hrein eign séreignardeildar nam alls 10.397 m.kr. í lok ársins samanborið við 9.700 m.kr. í lok ársins 2024.

Ávöxtun varfærna safnsins var yfir viðmiði meðan áræðna  safnsins var rétt undir viðmiðunarvísitölum. Nafnávöxtun varfærna safnsins var 6,0%

sem er 0,1% yfir viðmiði og nafnávöxtun áræðna safnsins var 5,7% samanborið við 5,9% ávöxtun viðmiðunarvísitölu. Helsta skýring á mismun í ávöxtun er vægi hlutabréfa í viðkomandi söfnum. Innlána safnið skilaði ávöxtun umfram viðmiði, sem má rekja til hárra innlánskjara á tímabilinu.