Ein fjárfestingarleið er í boði í tilgreindri séreignadeild,  tilgreinda varfærna safnið, sem er með sömu fjárfestingastefnu og varfærna séreignarsafnið. Verðbréfaeignir safnsins í árslok 2025, metnar á markaðsvirði, námu 1.133 m.kr. samanborið við 900 m.kr. árið áður. 

Safnið er að stækka töluvert milli ára, innflæði í deildina var um 151 m.kr. á árinu eða um 16%. Helstu breytingar á safninu milli ára voru þær að aukið var við vægi innlendra skuldabréfa úr 43% í 45% og vægi erlendra eigna hækkaði um 1%.

Hreinar fjárfestingartekjur tilgreindrar séreignardeildar voru 65 m.kr. á árinu samanborið við 98 m.kr. á árinu 2024. Hrein eign deildarinnar var 1.314 m.kr. samanborið við 1.064 m.kr. að stærð í lok árs 2024 en nettó innflæði á árinu nam um 250 m.kr.

Vegna smæðar tilgreindrar séreignardeildar í heild er einungis í boði sem stendur að ráðstafa sparnaði í tilgreinda varfærna safnið.

Nafnávöxtun tilgreindrar séreignar var 5,6% á árinu 2025, sem er undir viðmiði sem var 5,9%

Þar sem deildin er í hraðri uppbyggingu og innflæði er hlutfallslega hátt í hverjum mánuði geta miklar verðsveiflur á markaði verið að einhverju leiti komnar fram þegar inngreiðslur eru að skila sér. Þetta getur leitt til sveiflna í ávöxtun samanborið við viðmið.